Aaj hindi ho jaaye

Phir ek ehsaas ne chua mujhko is tarah
Phir shaam dhal gayi thaki palkon ke beech

Aaj paaton ne kiya ik ajeeb shor
Phool ne baandh li khushboo ki dor
Titliyon ne chod diya hawa kaa haat
Baadalon ne maanga suraj kaa saath

Bajaa rahi thi mandir kii ghanti
Tujhko paya saamne sheesh nawaya jab bhi
Chodne gayi thi har iccha kii potli
Kar na payi alag khudse teri parchayi

Yeh tay hai kii hamara saath chaar din ka hai
Phir kyun jaagi raat, din se hi diya jalayaa
Phir ek ehsaas ne chua mujhko is tarah
Phir shaam dhal gayi thaki palkon ke beech